عشق ہو جائے کسی سے کوئی چارہ تو نہیں

صرف مسلم کا محمدﷺ پہ اجارہ تو نہیں

زباں پر آپ کا جب ذکر آیا یا رسول اللہﷺ

دلِ بیتاب نے پھر چین پایا یا رسول اللہﷺ

اُسے پھر کیا ضرورت ہے زمانے کے مراسم کی

جسے ہے آپ نے اپنا بنایا یا رسول اللہﷺ

جہانوں کیلئے رحمت بنایا آپ کو ربّ نے

ہے سب پر آپ کی رحمت کا سایہ یا رسول اللہﷺ

وہ شفقت آپ کی غیروں پہ جو تھی یاد آئی پھر

کسی مسلم نے جب بھی ہے ستایا یا رسول اللہﷺ

یہ چند اشعار کاجؔل نے کہے ہیں جو محبّت سے

قلم ان کی بدولت جگمگایا یا رسول اللہﷺ