Ek din uss na kaha kya khoob ha | Sumeira Saleem Kajal | sad poetries | urdu shayari | love poetry in urdu | romantic poetry in urdu | Urdu poetry
سمیرا سلیم کاجؔل
ایک دن اُس نے کہا کیا خوب ہے
آپ کی ہر اک ادا کیا خوب ہے
ہے خداوند کی عنایت بالیقیں
برکتوں کا سلسلہ کیا خوب ہے
میرے سر پر چادرِ لطف و عطا
اے مرے مشکلشا کیا خوب ہے
روشنی سے مل رہی ہے زندگی
چار جانب یہ ضیاء کیا خوب ہے
ہے سلگتا درد سینے میں کہیں
دل لگانے کی سزا کیا خوب ہے
جو نکلتا ہے ترے گھر کی طرف
دلربا وہ راستہ کیا خوب ہے
شادماں سب دیکھ کر ہونے لگے
پھول آنگن میں کھِلا کیا خوب ہے
میری آنکھوں میں تو کاجؔل ہے مگر
تیری آنکھوں میں نشہ کیا خوب ہے
