Muntizer sar tha ek sjday ka by sumeira saleem kajal

 

بحرِ خفیف مسدس مخبون محذوف مقطوع

افاعیل: فاعِلاتن مفاعِلن فِعْلن

 

مُنتظِر سَر تھا ایک سَجدے کا

قَرض مُجھ پر تھا ایک سَجدے کا

 

ہے سُنہری حُروف مِیں لِکھّا

دِن مُقَرَّر تھا ایک سَجدے کا

 

عَرش والوں نے کَربلا دیکھی

خُوب مَنظَر تھا ایک سَجدے کا

 

زیرِ شمشیر تھا کِیا رَبّ کو

کیا مُقدّر تھا ایک سَجدے کا

 

سَبز کِرنوں بَھرا نِشان سُنو

میرے اَندر تھا ایک سَجدے کا

 

مَن گھڑت سی کہانیوں سے تو

ذِکر بِہتر تھا ایک سَجدے کا

 

سَب نمازیں وُہیں پہ تھیں کاجؔل

گَھر مُنوّر تھا ایک سَجدے کا

 

سمیرا سلیم کاجؔل

اسلام آباد