app nazaray mila ka rakhtay ha by sumeira saleem kajal

 

آپ نَظرِیں مِلا کے رَکھتے ہیں

بحرِِخفیف مسدس مخبون محذوف مقطوع

افاعیل: فاعِلاتن مفاعِلن فِعْلن

 

آپ نَظرِیں مِلا کے رَکھتے ہیں

یعنی اپنا بنا کے رَکھتے ہیں

 

تَلخ الفاظ، میٹھے لہجے مِیں

سامنے مُسکَرا کے رَکھتے ہیں

 

آدھی روٹی غریب کھاتے ہیں

آدھی روٹی بچا کے رَکھتے ہیں

 

سب پڑوسی بھی روشنی پائیں

دِیپ ایسے جَلا کے رَکھتے ہیں

 

آزمائش بھی اُن پہ آتی ہے

جو مُصلّٰی بِچھا کے رَکھتے ہیں

 

سامنے آپ کے مُحبّت سے

چائے فوراً بنا کے رَکھتے ہیں

 

وُہ تو شانوں پہ آپ کے کاجؔل

سَر بھی اَپنا بَتا کے رَکھتے ہیں

 

سمیرا سلیم کاجؔل

اسلام آباد