Eid Aye Ha Mobhat ke baharay la kr by sumeira saleem kajal

عید آئی ہے مُحبّت کی بَہاریں لے کر 

بحرِ رمل مثمن مخبون محذوف مقطوع

افاعیل: فاعِلاتن فَعِلاتن فَعِلاتن فِعْلن 

 

عید آئی ہے مُحبّت کی بَہاریں لے کر

آج چھڑکا گیا دھرتی پہ ہے مُشک و عَنبر

 

عید ہو سب کو مُبارک یہ حسیں ساعَت ہے

چِہرے خُوشیوں سے کِھلے اور عَجب راحَت ہے

 

عید کا دِن ہے غرِیبوں کو سبھی یاد رکھو

جو دِیا دَرْس بُزرگوں نے وُہی یاد رکھو

 

عید خُوشیوں بھَرا تہوار مُبارک سَب کو

یہ مہکتا ہوا گُلزار مُبارک سَب کو

 

عید پیغامِ مُحبّت ہے اَگر غورکرو

عید کے دِن بھی مُحبّت ہی سے دامَن کو بھرو

 

عید کیوں آتی ہے ہر سال کبھی سوچا ہے

اِس کی خُوشیوں مِیں غریبوں کا بھی حَق رَکھّا ہے

 

آج کاجؔل نے تُمھیں عید مُبارک ہے کہا

ہو سکے تُم سے اَگر اِس کو بھی بَس دینا دُعا

 

سمیرا سلیم کاجؔل

اسلام آباد