پُھول پھَل دَرختوں پر خُود بَخُود نہیں آتے
بحرِ ہزج مثمن اشت
افاعیل : فاعِلن مفاعیلن فاعِلن مفاعیلن
پُھول پھَل دَرختوں پر خُود بَخُود نہیں آتے
دِن بَہار کے پَیکر خُود بَخُود نہیں آتے
مُستَقِل مِزاجی سے کام کرنا پَڑتا ہے
زِندگی مِیں دِن بِہتر خُود بَخُود نہیں آتے
شام کی اُداسِی مِیں پھَڑپھَڑا کے اُڑتے ہیں
لوٹ کر پَرِندے گھر خُود بَخُود نہیں آتے
جو پَلک جَھپکنا بھی پَل مِیں ہیں بھُلا دیتے
آنکھ مِیں وُہ سَب مَنظََر خُود بَخُود نہیں آتے
مُنتظِر یہ رہتے ہیں رات دِن اِشاروں کے
لوگ مارنے پَتھّر خُود بَخُود نہیں آتے
اِحْتِساب کرتی ہیں بِیویاں تو آتے ہیں
سِیدھی رَاہ پر شَوہَر خُود بَخُود نہیں آتے
سَچ کہیں تو کاجؔل ہم خُود انہیں بُلاتے ہیں
حادثےکبھی بَڑھ کر خُود بَخُود نہیں آتے
سمیرا سلیم کاجؔل
اسلام آباد
