خَیر و بَرکت بھی خُدا وَقتِ سَحَر دے تُجھ کو
بحرِ رمل مثمن مخبون
محذوف مقطوع
افاعیل: فاعِلاتن
فَعِلاتن فَعِلاتن فِعْلن
خَیر و بَرکت بھی خُدا
وَقتِ سَحَر دے تُجھ کو
دے بہاروں کا نَگر،
بَرگ و ثَمر دے تُجھ کو
اَپنی اوقات پہ نَظریں
بھی جَمائے رَکھنا
حُکمرانی کا نَشَہ چُور
نہ کر دے تُجھ کو
عِزّتِ نَفس سَمجھتے
ہوں غریبوں کی جو
پالنے والا وُہی قَلب و
جِگر دے تُجھ کو
بیٹھ کر اُس پہ غریبوں
کا بَھلا ہی کرنا
خالقِ کون و مَکاں تَخت
اَگر دے تُجھ کو
بات کی تہہ مِیں جو
پُہنچے جو حقیقت سَمجھے
دینے والا بھی وُہی
گہری نَظر دے تُجھ کو
اے مِرے شُعلہ بیاں
وَقت کو برباد نہ کر
کام کرنے کے خُدا سارے
ہُنر دے تُجھ کو
تُجھ کو اَشعار مِیں
کاجؔل نے دُعائیں دی ہیں
کاش مُخبر تِرا سچّی یہ
خَبر دے تُجھ کو
سمیرا سلیم کاجؔل
اسلام آباد
